Афғонистонда смартфонлар қўшни давлатларга қараганда арзонми?

Афғонистонда сотилаётган смартфонлар нархи қўшни давлатларга нисбатан арзонми? “Дарё”нинг Мозори Шарифдаги мухбири техника бозоридаги смартфонлар нархини ўрганиб, савдогарлар билан суҳбатлашди.

Мамлакат аҳолисининг аксарияти иқтисодий аҳволидан келиб чиқиб иккинчи қўл телефонларини сотиб олишни афзал кўради. Мозори Шарифдаги Нажибулла исмли савдогар бундай смартфонлар Европа, Америка, баъзилари эса Осиё мамлакатларида қўлланилганини айтди. У Афғонистонга юқори сифатли моделлар Дубайдан олиб келинишини таъкидлади.

Нажибулла аҳолининг аксарияти Apple ва Samsung телефонларидан фойдаланиши, чунки улар сифати ва батарея қуввати туфайли бошқа телефонларга нисбатан устунлигини билдирди.

Мужибулла Хитойдан Афғонистонга юқори даражадаги смартфонларнинг кўп турларини импорт қилади. У афғон аҳолисининг иккинчи қўл смартфонларга қизиқиши юқорлиги, сабаби улар икки SIM-картага эгалиги ва ўйинларда батарея қуввати яхшилигини айтди.

“Иккинчи қўл телефонларини сотув учун Балх вилоятига қўшни Жузжон, Сарпул, Саманган каби вилоятларга ҳам жўнатамиз”, дейди у.

Телефонларнинг яна бир сотувчиси Дин Муҳаммадга кўра, пули кам ва қиммат телефонларни харид қила олмайдиган баъзи одамлар, асосан, арзон нархдаги Samsung телефонларини олади. Бошқалар эса iPhone ёки Xiaomi телефонларини танлайди.

Ишлатилган смартфонлар нархи қатъий эмас ва ҳар куни ёки ҳафтада ўзгариши мумкин. Афғонистонда турли компанияларнинг янги смартфонлари нархи эса қуйидагича:

iPhone 15 моделлари:

• iPhone 15 128 ГБ 900 доллар
• iPhone 15 Pro 256 ГБ 1200 доллар / 512гб 1350 доллар
• iPhone 15 Pro Мах 256 ГБ 1349 доллар / 512 гб 1540 доллар

iPhone 14 нархлари:

• iPhone 14 Pro Max 128 ГБ 1050 доллар
• iPhone 14 Pro Max 256 ГБ 1150 доллар
• iPhone 14 Pro Max 512 ГБ 1300 доллар 

‌‏iPhone 13 нархлари:

• iPhone 13 Pro Max 128 ГБ 900 доллар
• iPhone 13 Pro Max 256 ГБ 999 доллар
• iPhone 13 Pro Max 512 ГБ 1050 доллар

Galaxy S нархлари:

• S24 ultra 256 ГБ 950 доллар
• S24 ultra 512 ГБ 1100 доллар
• S23 ultra 256/12 830 доллар
• S23 ultraа 512/12 980 доллар
• S21 plus 256/8 650 доллар

Redmi нархлари:

• Note 13 PRО+ 512/16 430 доллар
• Note 13 PRО+ 512/12  400 доллар
• Note 13 PRО 5G 512/12 350 доллар
• Note 13 PRО 256/8 300 доллар
• Note 13 PRО 256/12 320 доллар
• Note 13 512/16 350 доллар
• Note 13 256/12 300 доллар
• Note 13 256/8 230 доллар
• Note 12 PRО + 256/12 5G 350 доллар