Amerikalik biznesmen Ilon Maskning fikricha, agar AQSH Ukraina Qurolli kuchlariga Rossiya hududiga zarbalar yo‘llashga ruxsat bersa, bu yangi jahon urushi sari tashlangan qadam bo‘ladi. U X ijtimoiy tarmog‘ida foydalanuvchilardan birining ushbu mavzudagi postiga shunday izoh berdi.
Foydalanuvchiga ko‘ra, “Uchinchi jahon urushi anchadan beri davom etmoqda”, ammo rasmiylar bu haqda xabar berishdan bosh tortmoqda. “Ukrainaga Rossiya hududiga zarba yo‘llashga ruxsat berilishi shubhasiz shu yo‘nalishdagi qadamdir”, deb javob bergan Ilon Mask.
AQSH davlat kotibi Entoni Blinken va Buyuk Britaniya tashqi ishlar vaziri Devid Lemmining Kiyevga tashrifi chog‘ida Rossiyaga G‘arbda ishlab chiqarilgan uzoq masofaga uchadigan raketalar bilan zarbalar berish mavzusi muhokama qilindi.
ABC News Ukraina prezidentining ismi oshkor etilmagan yordamchisiga tayanib xabar berishicha, yig‘ilishda Ukraina Qurolli kuchlari Amerika qurollari bilan Rossiyaga zarba berishi bo‘yicha hech qanday qaror qabul qilinmagan.
Kremlning fikricha, G‘arb Rossiyaga uzoq masofali qurollar bilan zarba yo‘llashga ruxsat berish to‘g‘risida allaqachon qaror qabul qilgan va endi buni OAV orqali e’lon qilishga urinmoqda. Rossiya prezidenti matbuot kotibi Dmitriy Peskov Rossiyaning javobi “munosib bo‘ladi” deb ogohlantirdi.
Izoh (0)