Bir necha oy oldin Turkiya hukumati iqtisodiyoti rivojlanayotgan davlatlarni birlashtirgan BRIKSga qo‘shilish uchun rasmiy ariza topshirdi, deb xabar berdi Bloomberg.
![](/static/2024/09/02/photo_2024-09-02_17-56-29-w6T0TLrf.jpg)
“Turkiya NATO aʼzosi sifatida o‘z majburiyatlarini bajargan holda, anʼanaviy G‘arb ittifoqchilaridan tashqarida ham o‘zining global taʼsirini oshirishga va yangi aloqalar o‘rnatishga intilmoqda”, deydi nashr suhbatdoshlari.
Qayd etishilicha, Turkiya BRIKSga qo‘shilish uchun ariza berganining sabablaridan biri — 2022-yilda Rossiya-Ukraina urushi boshlanganidan keyin Anqara Moskva bilan yaqin aloqada bo‘lganligi sababli, mamlakatning NATOdagi hamkasblari bilan kelishmovchiliklar bo‘lgan.
Manbalarning ta’kidlashicha, Turkiyaning arizasi mamlakatning ko‘p yillik sa’y-harakatlariga qaramay Yevropa Ittifoqiga a’zo bo‘la olmagani sababli umidsizlikka uchragan paytga to‘g‘ri kelgan.
Mamlakat TIV va prezidenti izoh berishdan bosh tortgan.
- BRIKS dunyodagi eng yirik rivojlanayotgan iqtisodiyotlar uyushmasi bo‘lib, uning nomi guruhning dastlabki aʼzolari Braziliya, Rossiya, Hindiston, Xitoy va Janubiy Afrika nomi bilan atalgan. 2024-yilda Eron, Birlashgan Arab Amirliklari, Efiopiya va Misr guruhga qo‘shilgan. Joriy yilning 22-24-oktyabr kunlari Qozondagi sammitda yangi kengayish kutilmoqda. Guruhga qo‘shilish istagida bo‘lgan davlatlar orasida Malayziya, Tailand va Turkiyaning yaqin ittifoqchisi Ozarbayjon bor.
Turkiya 1999-yildan beri Yevropa Ittifoqiga aʼzolikka rasmiy nomzod bo‘lib kelmoqda. Turkiya TIV rahbari Xoqon Fidan 2024-yil avgust oyi oxirida mamlakatning Yevropa Ittifoqiga qo‘shilishi strategik maqsad bo‘lib qolayotganini aytgan.
Izoh (0)