Boku BRIKSga a’zo bo‘lish uchun rasmiy ariza topshirdi. Bu haqda Ozarbayjon TIV matbuot kotibi Ayxan Hajizoda ma’lum qildi.
3-iyul kuni Ostona shahrida bo‘lib o‘tgan Shanxay hamkorlik tashkiloti sammiti doirasida Ozarbayjon va Xitoy o‘rtasida strategik sheriklik o‘rnatish to‘g‘risida Qo‘shma deklaratsiya qabul qilingan edi. Hujjatga ko‘ra, Boku BRIKSga aʼzo bo‘lish istagini bildirgan va Pekin Ozarbayjonning BRIKS hamkorligidagi ishtirokini olqishlagan.
BRIKSga hozirda 10 ta davlat kiradi: Braziliya, Rossiya, Hindiston, Xitoy, Janubiy Afrika, Eron, Saudiya Arabistoni, BAA, Misr va Efiopiya.
Ma’lum bo‘lishicha, bugungi kunda dunyoning 20 dan ortiq davlati BRIKSga qo‘shilish uchun ariza topshirgan. Shuningdek, taxminan, yana shuncha davlat uyushmaga kirish istagini norasmiy ravishda bildirgan.
Xususan, iyun oyida Turkiya va Tailand BRIKSga a’zo bo‘lish istagini bildirgan edi.
Izoh (0)