Shavkat Mirziyoyev marhum akademik Behzod Yo‘ldoshev xonadonga tashrif buyurib, oila a’zolariga hamdardlik bildirdi. Bu haqda Prezident matbuot xizmati xabar berdi.
![](/static/2024/08/29/photo_2024-08-29_16-15-55-3v2ilOYH.jpg)
O‘zbekiston Fanlar akademiyasi prezidenti, fizika-matematika fanlari doktori, akademik, Oliy Majlis Senati a’zosi, O‘zbekiston fan arbobi Behzod Yo‘ldoshev 28-avgust kuni 79 yoshida vafot etgan edi.
Prezident 29-avgust kuni ta’ziyali xonadonga tashrif buyurdi. Qur’on tilovat qilinib, duo o‘qildi. Davlat rahbari marhumning ezgu ishlarini, O‘zbekistonga xizmatlarini yodga oldi. Marhumning rafiqasi va farzandlariga hamdardlik bildirib, sabr-toqat tiladi.
![](/static/2024/08/29/photo_2024-08-29_16-15-55 (2)-bQMH-LH_.jpg)
![](/static/2024/08/29/photo_2024-08-29_16-15-55 (3)-FcMsX_6T.jpg)
![](/static/2024/08/29/photo_2024-08-29_16-15-55 (4)-EgpuVOsB.jpg)
![](/static/2024/08/29/photo_2024-08-29_16-15-55 (6)--iSBU33h.jpg)
![](/static/2024/08/29/photo_2024-08-29_16-15-55 (7)-Laq7uUJr.jpg)
Ular tashrifi va dalda so‘zlari uchun prezidentga minnatdorlik bildirdi.
![](/static/2024/08/29/photo_2024-08-29_16-15-55 (5)-CH7qsp6L.jpg)
Behzod Yo‘ldoshev haqida
Behzod Yo‘ldoshev 1945-yil 9-mayda Toshkent shahrida tug‘ilgan. Mehnat faoliyatini 1968-yilda Fanlar akademiyasining Yadro fizikasi instituti stajor-tadqiqotchisi sifatida boshlagan. Yuqori energiyalar fizikasi sohasida xalqaro miqyosda keng e’tirof etilgan olim Yadro fizikasi instituti direktori, Fanlar akademiyasi prezidenti lavozimlarida o‘zining yuksak ilmiy va tashkilotchilik salohiyatini namoyon etgan. Yuqori malakali ilmiy kadrlar tayyorlash, xorijiy ilmiy markazlar bilan hamkorlikni rivojlantirish, ilmiy natijalarni iqtisodiyot tarmoqlarida qo‘llash ishlariga munosib hissa qo‘shgan. U Atom energiyasi bo‘yicha xalqaro agentlikda va universitetlarda ishlagan, ko‘plab yirik loyihalarga rahbarlik qilgan.
Behzod Yo‘ldoshev Oliy Majlis deputati, keyingi vaqtda Oliy Majlis Senati a’zosi sifatida samarali faoliyat olib borib, qonun loyihalarini ishlab chiqish va qabul qilishda fidoyilik ko‘rsatdi.
U “O‘zbekiston Respublikasi fan arbobi” faxriy unvoni, “Fidokorona xizmatlari uchun” va “Mehnat shuhrati” ordenlari, Beruniy nomidagi davlat mukofoti, “Qoraqalpog‘iston Respublikasida xizmat ko‘rsatgan fan arbobi” unvoni bilan mukofotlangan.
Izoh (0)