Shimoliy Koreya yetakchisi Kim Chen In yangi ko‘p tizimli o‘t ochish reaktiv qurilmani sinovdan o‘tkazilayotganini e’lon qildi.
Shimoliy Koreya davlat OAVga ko‘ra, raketa moslamasi 240 mm kalibrga ega hamda yangi boshqaruv tizimi bilan jihozlangan.
Avvalroq Pxenyan yangi kamikadze-dron sinovdan o‘tkazilgani haqida e’lon qilgandi. Qo‘shma Shtatlar Shimoliy Koreyaning dronlar yaratish dasturini yaqindan kuzatib borish niyatida ekanini bildirgan.
Shimoliy Koreya va Rossiya o‘rtasidagi harbiy hamkorlik
Xalqaro miqyosda yakkalanib qolgan Shimoliy Koreya yaqinda Rossiya bilan harbiy hamkorlikni kengaytirgan edi. Kuzatuvchilar KXDR artilleriya va qanotli raketalarni Ukrainaga qarshi urushda qo‘llash uchun Rossiyaga yuborish maqsadida sinovdan o‘tkazayotganini istisno qilmagan.
AQSH va Janubiy Koreya KXDRni Rossiyaga o‘q-dorilar va raketalar yetkazib berishda ayblamoqda. Pxenyan ayblovlarni rad etib, ularni absurd deb atagan.
Shimoliy va Janubiy Koreya munosabatlari ayni damda chuqur inqiroz holatida. Shimoliy Koreya yetakchisi Kim Che In yangi turdagi qurollar, jumladan, taktik yadroviy qurollarni ishlab chiqish jadallashishini ma’lum qilgan. Shu munosabat bilan Janubiy Koreya va AQSH mudofaa sohasidagi hamkorlikni kengaytirgan.
Izoh (0)