Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola qilamiz.
Yulduz Turdiyeva ikkinchi o‘g‘li Sirojni tug‘ilgan kuni bilan qanday tabriklashganini kuzatuvchilariga ko‘rsatdi.
Dilnoza Kubayeva 2008-yilda taqdim etilgan “Telba” badiiy filmi suratga olish jarayoni aks etgan surat bilan bo‘lishdi.
Zarina Nizomiddinova farzandlari bilan tushgan suratini sahifasiga joyladi.
Shahlo Zoirova qizi Shaydo bilan qanchalik bir-biriga o‘xshashi aks etgan surat bilan bo‘lishdi.
Gulchehra Eshonqulova esa inson havas bilan baxtga erishishi haqida yozib qoldirdi.
Xonanda Jasur Umirov Qashqadaryo viloyati G‘uzor tumanidagi stadionda bo‘lib o‘tgan konsert chog‘ida noqulay vaziyatga tushib qoldi hamda ijtimoiy tarmoqlar foydalanuvchilarining muhokamalariga sabab bo‘ldi. Gap shundaki, xonanda stadionda kuylayotganida muxlisalaridan biri u bilan selfi tushish uchun yoniga kelgan, shu payt Jasur qizning yelkasiga qo‘lini tashlab, suratga tushmoqchi bo‘lgan. Qiz esa xonandaga javoban uning qo‘lini itarib tashlagan. Ijtimoiy tarmoqlar foydalanuvchilaridan ayrimlari Jasur adashib bunday harakat qilganligini yozsa, boshqalari esa u bilan selfi tushmoqchi bo‘lgan qizni ayblamoqda.
Maryam Tillayeva buvisi Tatyana Karimovani tug‘ilgan kuni bilan tabriklab, unga atalgan iliq tilaklarini yozib qoldirdi. “O‘z onam mendan yuz o‘girgan bir paytda meni o‘z qizingizdek bag‘ringizga olganingiz uchun rahmat. Bejizga sizni bolaligimizdan buvi emas, ona deb chaqirmaymiz. Sizni jonimdan ham ortiq yaxshi ko‘raman”, deb yozadi Maryam.
Shuningdek, Maryam kuzatuvchilari uchun o‘zbek tilida video tayyorladi.
Taniqli teleboshlovchi Muzaffarbek Mirzabekov 28-avgust kuni tug‘ilgan kunini nishonlamoqda. Bundan tashqari, u aynan shu sanada qizini turmushga uzatmoqda.
Izoh (0)