Kimdir juda semiz, ayrimlar esa ozg‘in — afsuski, hammaga yoqishning iloji yo‘q. Vazni bo‘yicha doimo tanqidga uchraydigan mashhurlar haqida ma’lumot beramiz.
Bella Hadid
Hatto go‘zal model deb hisoblangan taniqli Bella Hadid ham vazni tufayli tanqidlarga uchragan. Yulduzning ijtimoiy tarmoqlardagi sahifasida ko‘plab obunachilari unga qarash qo‘rqinchli ekani haqida izoh yozishadi.
Uni ham anoreksiyaga chalingan, ham skelet deb atashgan. Ammo boshqalarning fikri uni umuman qiziqtirmaydi — Bella o‘zi ideal deb hisoblagan qomatidan mamnun.
Anjelina Joli
Anjelina Jolining figurasi doimo heyterlar tomonidan tanqid qilinadi. Ko‘pchilik, aktrisa haddan tashqari vazn yo‘qotish bilan o‘zining tashqi qiyofasini buzgan deb hisoblaydi. Endi unga qarash unchalik yoqimli emas, hatto qo‘rqinchli deydiganlar ham bor.
U Bred Pitt bilan ajrashgandan so‘ng juda ko‘p vazn yo‘qotdi, bu uning uchun jiddiy sinov bo‘ldi. Aytishlaricha, o‘sha paytda uning minimal vazni atigi 35 kg edi. Joli hozirda biroz vazn yig‘gan bo‘lsa-da, hali ham ozg‘inligicha qolmoqda.
Kira Naytli
Kira Naytli har doim juda nozik bo‘lgan va bu jamiyat e’tiboridan chetda qolmagan. Bir marta uni hatto anoreksiyaga chalingan ham deyishgan, bu aktrisani juda xafa qiladi. O‘shanda u qizining aktrisa bo‘lishiga hech qachon yo‘l qo‘ymasligini aytadi.
Selena Gomes
Selena ham qomati tufayli bir necha bor heyterlar nishoniga aylangan. Ular xonandani semiz, hatto xunuk deyishadi. Bu mulohazalar, albatta, xonandani qattiq xafa qiladi va u ko‘pincha o‘z blogida ortiqcha vaznli odamlarga munosabatini muhokama qiladi.
Ledi Gaga
Ledi Gaga noodatiy tashqi ko‘rinishi uchun doimo tanqid qilingan, 2017-yilda u hatto bodisheymerlar (odamlarni tashqi ko‘rinishidagi nuqsonlari uchun omma oldida qoralaydiganlar) hujumiga uchragan. Superkubokdagi chiqishi paytida ko‘pchilik qo‘shiqchini juda semizligini aytib, u kamchiliklarini omma oldida ko‘rsatmasligi kerak degan qarorga keladi. Ledi Gaga heyterlarga shunchaki e‘tibor bermaydi, chunki ularning fikri xonanda uchun muhim emas.
Izoh (0)