RPL. Abbosbek Fayzullayev assist qayd etgan o‘yinda “SSKA” g‘alaba qozondi

Futbol bo‘yicha Rossiya Premyer Ligasining 6-tur uchrashuvi bo‘lib o‘tdi. Unda “SSKA” o‘z uyida “Akron” klubini qabul qildi.

Fayzullayev uchrashuvning dastlabki daqiqalaridan harakat qildi. Uchrashuvning birinchi bo‘limida tomonlar darvozaga yo‘l topa olmadi.

Uchrashuvning 49-daqiqasida Abbosbek Fayzullayev chap qanotdan jarima maydoniga uzatmani amalga oshirdi. Tamerlan Musayev hisobni ochdi. 60-daqiqada Oblyakov hisobni 2:0 ko‘rinishiga olib keldi.

O‘zbekistonlik futbolchi Abbosbek 79-daqiqada zaxiraga olindi. 82-daqiqada Moyzes Barboza hisobni yirik ko‘rinishga olib keldi. 87-daqiqada Oblyakov penaltidan gol urib hisobni 4:0 ga olib keldi.

Shu tariqa, Moskvaning “SSKA” klubi 3-g‘alabasini qo‘lga kiritdi.

“Akron” safida harakat qiladigan yana bir o‘zbekistonlik yarim himoyachi Sherzod Esanov 64-daqiqada zaxiradan maydonga tushdi.

RPL. 

6-tur

“SSKA” — “Akron” 4:0

24-avgust, shanba

Gollar: 1:0—Musayev (49), 2:0—Oblyakov (60), 3:0—Moyzes (82), 4:0—Oblyakov (87 penalti)

“SSKA”: Akinfeyev, Moyzes, Villian, Diveyev, Fayzullayev (Jemaletdinov, 80), Davila (Koyta, 80), Krugovoy, Gayich (Glebov, 90), Zdelar, Oblyakov (Kislyak, 90), Musayev (Shumanskiy, 90).

“Akron”: Volkov, Dimoski, Paulu Vitor, Eshkoval, Savichev, Lonchar (Xubulov, 64), Jurasovich, Paliyenko (Kuzmin, 46), Bakayev (Esanov, 64), Danilin (Dmitriyev, 73), Tavaresh (Timoshenko, 73).

Ogohlantirish: Villian (2).