O‘zbekiston milliy terma jamoasi posboni O‘tkir Yusupov yozda Namanganning “Navbahor” klubidan Eronning “Fulad” klubiga ko‘chib o‘tdi.
23-avgust, juma kuni “Fulad” Eron chempionati 2-turida o‘z maydonida “Mes Rafsandjan” bilan nursiz durang qayd etdi. Mazkur bahsda Yusupov “Fulad” darvozasini ishonchli tarzda qo‘riqladi va gol o‘tkazmadi. 1-turda ham Yusupov “Nassaji”ga qarshi bahsda o‘z darvozasi dahlsizligini saqlab qolgan edi.
Eʼtiborlisi, Eron chempionatining dastlabki 2 turida faqatgina Yusupov o‘z darvozasidan umuman gol o‘tkazib yubormadi.
Yusupov jamoasi 2 turda 4 ochko to‘plab, turnir jadvalining 5-o‘rnida bormoqda. “Fulad” navbatdagi o‘yinni 30-avgust kuni safarda Oston O‘runov to‘p tepayotgan “Persepolis”ga qarshi o‘tkazadi.
Izoh (0)