Toshkent shahrining ikki tumanida gaz yetkazib berish vaqtincha to‘xtatiladi

Toshkent shahrining ikki tumanida 22-avgust kuni gaz yetkazib berish vaqtincha to‘xtatiladi. Bu haqda “Hududgaz Poytaxt” GTF xabar berdi. 

Keltirilishicha, ta’mirlash ishlari tufayli Yunusobod va Sergeli tumanlarining quyidagi hududlariga 22-avgust kuni tabiiy gaz yetkazib berish vaqtincha to‘xtatiladi.

• Yunusobod tumani (soat 10:00 dan 18:00 gacha)

Aholi iste’molchilari soni: “Tiklanish” MFY, Gulyor, 1-2-3-4-5-tor Gulyor va Tiklanish ko‘chalaridagi 540 ta yerli xonadon;

Ulgurji iste’molchilar soni: 13 ta

• Sergeli tumani (soat 11:00 dan 17:00 gacha)

Aholi iste’molchilari soni: “Izzatli” MFY, Erkinlik, Mohidil, Mohichehra, Gulzor va Chimzor ko‘chalaridagi 472 ta yerli xonadon va Sultonobod ko‘chasidagi 284 ta yerli xonadon;

Ulgurji iste’molchilar soni: 10 ta

Ta’mirlash ishlari tugatilgandan so‘ng, tabiiy gaz ta’minoti qayta tiklanadi. Yuzaga kelayotgan noqulayliklar uchun gaz ta’minoti filiali iste’molchilardan uzr so‘radi.