Бугунги кунда айрим замонавий аёллар ўз бахтини фақат оналик ва фарзанд тарбия қилиш билан боғламайди. Зеро, она бўлиш жуда муҳим қарор. Бу масъулият ҳаётни тубдан ўзгартирадиган қарор бўлиб, ҳар ким уни шахсан ўзи қабул қилади. Қуйида карьерасини асосий ўринга қўйган ва ўзи таъкидлагандек, фарзандсиз ҳам ажойиб ҳаёт кечираётган машҳурларни кўриб чиқамиз.
Майли Сайрус
Хонанда экологик муаммолар туфайли атроф-муҳитнинг ифлосланганини ҳисобга олган ҳолда шундай қарорга келганини айтади:
“Биз энг яхши дунёда яшамаяпмиз. Фарзандим тоза сайёрада туғилишига амин бўлмагунимча, мен дунёга янги одам келтиришни истамайман”, деди юлдуз.
Сара Полсон
Ўзгарувчан ва бир оз жиззаки актриса ўзининг мураккаб характери туфайли фарзанд кўришдан қўрқишини тан олган. 46 ёшли юлдуз ҳар эҳтимолга қарши тухумдон тўқималаридан бирини музлатиб қўйган.
Опра Уинфри
Американинг энг бадавлат аёлларидан бири 2013 йил декабрь ойида Hollywood Reporter нашрига берган интервьюсида нима учун фарзанд кўрмаслигини тушунтирди:
“Агар фарзандларим бўлганида, улар мендан нафратланарди. Чунки чақалоқлар билан ёлғиз қолишни ёмон кўраман ва уларнинг эҳтиёжларини тушунмайман. Қолаверса, ишим туфайли уларга вақтим етмай қоларди ва болалар бундан қийналарди”, дея тан олади Уинфри.
Рене Зеллвегер
Журналистларга берган интервьюларидан бирида актриса оналик ҳеч қачон унинг ҳаётидаги устувор вазифалардан бири бўлмаганини айтган. “Бриджит Жонснинг кундалиги” фильми юлдузи учун ўзи севган касб билан шуғулланиш ва эркин бўлиш барча нарсадан муҳимдир.
Женнифер Энистон
“Дўстлар” сериали юлдузи яқин вақтгача ҳомиладорлиги ҳақидаги миш-мишларнинг энг кўп нишонларидан бири эди. Бироқ унинг сўзларига кўра, никоҳида бахтли бўлган бўлса ҳам (икки йиллик муносабатлардан кейин актёр Жастин Теру билан тўйи 2015 йил август ойида бўлиб ўтган), фарзандли бўлишни хоҳламайди.
“Мен ҳомиладор эмасман ва бўлмайман ҳам. Шахсий ҳаёт ҳақида гап кетганда, ҳар ким ўзи учун энг яхшиси нима эканлигини ўзи мустақил ҳал қилади. Турли миш-мишларга қулоқ солмай, онгли равишда қарор қабул қилайлик. Ахир, ўзини тўлақонли шахс сифатида ҳис қилиш учун турмуш қуриш ёки фарзанд кўриш шарт эмас. Ҳар бир киши учун “бахтли бўлиш” тушунчаси индивидуалдир”, дейди юлдуз.
Изоҳ (0)