Birinchi daqiqadayoq hayratga soladigan milliarderlar hayoti haqidagi eng yaxshi filmlar

Katta pullar haqidagi filmlar ko‘pincha drama va intrigalarga boy bo‘ladi, ammo quyida butun oila bilan tomosha qilishingiz mumkin bo‘lgan komediyalar, biografik filmlarni yig‘ganmiz.

“G‘aroyib garov”, 1983

Eddi Myorfi va Den Eykroyd ishtirokidagi samimiy komediya o‘z vaqtida 2 ta “Oltin globus” nominatsiyasini olgan.

Syujet: muvaffaqiyatli aka-uka Dyuklar noodatiy garov o‘ynashadi: ulardan biri kompaniyani har kim boshqarishi mumkin degan qarorga keladi. Shunda ular kompaniyaning tajribali menejeri o‘rniga ko‘chadagi bezorini kompaniyaga bosh qilib qo‘yishadi.

“Broker”, 1985

Yosh Kevin Beykon ishtirokidagi film birjada xato qilgan odamning hayoti qanday keskin o‘zgarib ketishi haqida.

Syujet: bosh qahramon Uoll Stritda broker bo‘lib ish boshlaydi. Avvaliga hammasi yaxshi ketadi, lekin keyin birdaniga hamma narsadan mahrum bo‘ladi. Shunda u faoliyatini yakunlab, hayotini yangidan boshlashga qaror qiladi va ishini tubdan o‘zgartiradi.

“Uoll Strit”, 1987

Ushbu film moliyaviy dramalar klassikasi bo‘lib, unda Maykl Duglas Uoll Stritning bosh yirtqich qahramoni Gordon Gekko rolini ijro etgan va bu roli uchun “Oskar” bilan taqdirlangan.

“Hamroh”, 1996

Uoll Stritdagi gender tengsizliklar haqidagi Vupi Goldberg ishtirokidagi komediya.

“Firibgar”, 1999

Filmda Yuen Makgregor yirik bankdagi yosh mutaxassis rolini ijro etadi. Dastlab u muammolarni mohirlik bilan hal qiladi va birjada savdo qiladi. Ammo katta pulni boy bergach, izlarni yo‘qotish uchun mohirona sxema o‘ylab topadi.

“Neft”, 2007

Boylik orttirish istagi haqida gap ketganda, bu dramani e’tibordan chetda qoldirib bo‘lmaydi. Film ikki karra “Oskar” mukofotiga sazovor bo‘lgan, shu jumladan eng yaxshi erkak roli uchun Daniel Day-Lyuis mukofotlangan.

Syujet: XX asr boshlarida oltin va kumush izlab yurgan tadbirkor neft topib, tez orada badavlat neftchiga aylanadi. To‘satdan u yangi kon haqida bilib qoladi va yanada boyish uchun qo‘lidan kelganini qiladi.

“Tasavvur qil”, 2008

Ushbu ro‘yxatda butun oila bilan tomosha qilish mumkin bo‘lgan Eddi Myorfi ishtirokidagi yana bir komediya bor.

Syujet: bosh qahramon — ishiga mukkasidan ketgan moliyaviy tahlilchi haqida. Kutilmaganda uning muvaffaqiyatli karyerasi xavf ostida qoladi va to‘satdan kichik qizi o‘z rasmlarida birja kotirovkalarini to‘g‘ri tasvirlaganini payqaydi.

“Tafakkur cheksizligi”, 2011

Bosh qahramon NZT deb nomlangan dori yordamida o‘z hayotini tubdan o‘zgartirib, muvaffaqiyatsiz yozuvchidan shaharning eng boy odamlaridan biriga aylanadi. Lekin hamma narsaning badali bor.

“Uoll Strit bo‘risi”, 2013

Martin Skorsezening mazkur filmi besh karra “Oskar” mukofotiga nomzod bo‘lgan. Hozirgacha ko‘pchilik Jordan Belfort roli uchun Leonardo Di Kaprio “Oskar” olishi kerak edi deb hisoblaydi. Film Jordan Belfortning “Uoll Strit bo‘risi” xotiralari asosida suratga olingan.

“Moliyaviy maxluq”, 2016

“Qo‘zilar sukunati” yulduzi Jodi Foster rejissyorlik qilgan Jorj Kluni va Juliya Roberts ishtirokidagi moliyaviy triller.

Filmning syujeti taniqli teleboshlovchi atrofida bo‘lib, moliyaviy maslahatlari uni Uoll Stritning haqiqiy yulduziga aylantiradi. Biroq uning bir maslahati hammasini barbod qiladi: mijozlar hamma narsasini yo‘qotdi va boshlovchini garovga olib, qasos olishni xohlaydi.

“Hisob-kitob”, 2016

Film ssenariysi 2011-yilgi ssenariylarning “qora ro‘yxati”ga kiritilgan.

Filmda eng xavfli jinoiy tashkilotlar uchun auditor bo‘lib ishlaydigan va millionlab dollarlik kelishmovchiliklarni bilib beradigan matematik daho haqida hikoya qilinadi.

“Uoll Strit ovchisi”, 2016-yil

Jerard Batler va Uilyam Defo ishtirokidagi film tarozining bir pallasida Uoll Strit, ikkinchisida esa oilaning manfaatlari turganida nima qilish kerakligi haqidagi film.

“Yolg‘onchi, buyuk va dahshatli” , 2017

Robert De Niro ishtirokidagi real voqealarga asoslangan biografik film.

Syujet: Berni Meydoff tarixga dunyodagi eng katta moliyaviy piramida qurgan va uni investitsiya fondi sifatida niqoblagan odam sifatida kiradi. Firibgarligi fosh bo‘lgach, Meydoff 150 yilga qamaladi va uning faoliyati butun oila uchun halokatli oqibatlarga olib keladi.