Shavkat Mirziyoyev 19-avgust kuni Qoraqalpog‘iston Respublikasiga tashrif buyuradi.
Prezident matbuot kotibining xabar qilishicha, safar davomida sanoat korxonalari, IT va ijtimoiy soha obyektlarini ko‘zdan kechirish, mahallalarda aholi hayoti bilan tanishish rejalashtirilgan. Yangi majmualar ishga tushirilib, navbatdagi loyihalar boshlanadi.
20-avgust kuni Nukusda prezidentning tadbirkorlar bilan muloqoti bo‘lib o‘tadi.
Shavkat Mirziyoyev hududlarning ijtimoiy-iqtisodiy rivoji bilan tanishish, xalq bilan muloqot qilish maqsadida Qoraqalpog‘iston Respublikasiga so‘nggi marta 2023-yilning mart oyida borgandi. Tashrif davomida yangi korxonalar ishga tushirilib, respublikada sanoatni rivojlantirish yo‘nalishlari belgilandi. Davlat rahbari, shuningdek, yoshlar bilan muloqot qildi, mahallalardagi ishlarni ko‘zdan kechirdi hamda madaniy tadbirda ishtirok etdi.
Izoh (1)
Ассалаўма әлейкум... Теманы толық, дурыс жазыўды үйренбесеңиз болмайды?!