Yozgi Olimpiada o‘yinlarining yopilish marosimida xavfsizlikni 2 mingga yaqin politsiyachi va jandarmlar ta’minlaydi, deb xabar berdi BFM-TV telekanali Fransiya ichki ishlar vaziri Jerald Darmaninga tayanib.
Ichki ishlar vazirining so‘zlariga ko‘ra, huquq-tartibot idoralari xodimlari o‘z vazifalariga “jiddiy e’tibor qaratadi”. Shu bilan birga, u hozirda marosim xavfsizligiga aniq tahdidlar haqida ma’lumot yo‘qligini ta’kidladi.
Darmanin barcha zarur xavfsizlik choralari ko‘rilganini qo‘shimcha qildi.
Fransiya OAVning qayd etishicha, bu 2 ming nafar huquq-tartibot xodimlari Olimpiada vaqtida mamlakatda xavfsizlikni taʼminlovchi 30 ming nafar politsiya va jandarmeriya xodimlaridan iborat jami guruh tarkibiga kiradi.
Musobaqa yopilish marosimi 11-avgust, yakshanba kuni Stad de Frans stadionida bo‘lib o‘tadi. U mahalliy vaqt bilan 21:00 da boshlanadi.
Izoh (0)