Venesuela hukumati mamlakatda X ijtimoiy tarmog‘i faoliyatini to‘xtatishga qaror qilganidan so‘ng amerikalik tadbirkor va ishbilarmon Ilon Mask prezident Nikolas Maduroning “mo‘ylovini qisqartirish” uchun “kosmik lazer”dan foydalanishini aytdi.
Tarmoq foydalanuvchilari tadbirkordan Venesuela rasmiylarining mamlakatdagi X ijtimoiy tarmog‘ini yopish haqidagi qaroriga javob berish uchun “kosmik lazerlar” tayyorlayaptimi yoki yo‘qligini so‘rashgan.
“Biz uning mo‘ylovini kosmosdan turib yoqib yuboramiz”, deydi Mask.
Avvalroq Maduro X ijtimoiy tarmog‘i mamlakatda ko‘p marotaba qonunbuzarlik sodir etgani va shu sababli uning Venesueladagi faoliyati 10 kunga to‘xtatilishini ma’lum qilgan edi.
Venesuela prezidentining ta’kidlashicha, ijtimoiy tarmoq nafrat, fashizm, fuqarolar urushi, venesuelaliklar o‘rtasida qarama-qarshiliklar qo‘zg‘atadi. Uning qo‘shimcha qilishicha, u ijtimoiy tarmoqni Venesueladagi faoliyatini 10 kunga o‘chirishga qaror qilgan Milliy telekommunikatsiya komissiyasi taklifiga imzo chekkan.
Shuningdek, Venesuela prezidenti Ilon Maskni jangga chorlagani haqida xabar berilgan edi. Tadbirkor chaqiruvni qabul qilgan va bir shart qo‘ygan: agar u g‘alaba qozonsa, Maduro o‘z lavozimini tark etadi, agar prezident g‘alaba qozonsa, unga Marsga bepul parvoz tashkillashtirib beriladi.
Izoh (0)