Ёзги Олимпиада ўйинларининг ёпилиш маросимида хавфсизликни 2 мингга яқин полициячи ва жандармлар таъминлайди, деб хабар берди BFМ-TV телеканали Франция ички ишлар вазири Жеральд Дарманинга таяниб.
Ички ишлар вазирининг сўзларига кўра, ҳуқуқ-тартибот идоралари ходимлари ўз вазифаларига “жиддий эътибор қаратади”. Шу билан бирга, у ҳозирда маросим хавфсизлигига аниқ таҳдидлар ҳақида маълумот йўқлигини таъкидлади.
Дарманин барча зарур хавфсизлик чоралари кўрилганини қўшимча қилди.
Франция ОАВнинг қайд этишича, бу 2 минг нафар ҳуқуқ-тартибот ходимлари Олимпиада вақтида мамлакатда хавфсизликни таъминловчи 30 минг нафар полиция ва жандармерия ходимларидан иборат жами гуруҳ таркибига киради.
Мусобақа ёпилиш маросими 11 август, якшанба куни Stad de Frans стадионида бўлиб ўтади. У маҳаллий вақт билан 21:00 да бошланади.
Изоҳ (0)