Samarqand viloyati Kattaqo‘rg‘on tumanida Cobalt bilan to‘qnashgan Damas haydovchisi halok bo‘ldi. Bu haqda Yo‘l harakati xavfsizligi boshqarmasi axborot xizmati xabar berdi.
Ma’lum qilinishicha, holat 31-iyul kuni soat 8:30 lar atrofida Kattaqo‘rg‘on tumanida sodir bo‘lgan. Cobalt haydovchisi avtomobilini Kattaqo‘rg‘on—Qo‘shhovuz yo‘nalishi bo‘ylab boshqarib ketayotib, qarama-qarshi yo‘nalishga chiqib ketgan va ro‘paradan harakatlanib kelayotgan Damas bilan to‘qnashgan.
Avtohalokat oqibatida Damas haydovchisi tan jarohati olib voqea joyida halok bo‘lgan. Bu kabi holatlarning oldini olish maqsadida mutasaddilar va jamoatchilik ishtirokida muhokama o‘tkazildi.
Avvalroq Samarqandda uchta mashina ishtirokidagi YTHda Damas pachoqlanib ketgani haqida xabar berilgandi. Holat yuzasidan Samarqand tumani IIB tergov bo‘limi tomonidan dastlabki surishtiruv ishlari olib borilmoqda.
Izoh (0)