Samarqand viloyati Ishtixon tumanida 15-iyun kuni Nexia-3 va Isuzu ishtirokida yo‘l-transport hodisasi sodir bo‘ldi. Hodisa oqibatida ikki kishi vafot etdi. Bu haqda viloyat IIB Yo‘l harakati xavfsizligi boshqarmasi xabar berdi.
Hodisa soat 12:10 larda “Qirqyigit” mahallasi hududidan o‘tuvchi M-37 Samarqand—Buxoro—Turkmanboshi avtomobil yo‘lining 61-kilometrida yuz bergan. Samarqand—Buxoro yo‘nalishida harakatlangan Nexia-3 yo‘lning o‘ng tomon chetki qismida to‘xtab turgan Isuzu NQR 71 PL yuk avtomashinasiga urilgan.
Oqibatda Nexia-3 ning old o‘rindig‘idagi yo‘lovchi voqea joyida, avtomobilning orqa o‘rindig‘ida bo‘lgan yo‘lovchisi esa tuman markaziy shifoxonasining jonlantirish bo‘limida vafot etgan. Holat yuzasidan Samarqand viloyati IIB huzuridagi Tergov bo‘limi tomonidan jinoyat ishi qo‘zg‘atilib dastlabki surishtiruv ishlari olib borilmoqda.
Izoh (0)