Самарқанд вилояти Каттақўрғон туманида Cobalt билан тўқнашган Damas ҳайдовчиси ҳалок бўлди. Бу ҳақда Йўл ҳаракати хавфсизлиги бошқармаси ахборот хизмати хабар берди.
Маълум қилинишича, ҳолат 31 июль куни соат 8:30 лар атрофида Каттақўрғон туманида содир бўлган. Cobalt ҳайдовчиси автомобилини Каттақўрғон—Қўшҳовуз йўналиши бўйлаб бошқариб кетаётиб, қарама-қарши йўналишга чиқиб кетган ва рўпарадан ҳаракатланиб келаётган Damas билан тўқнашган.
Автоҳалокат оқибатида Damas ҳайдовчиси тан жароҳати олиб воқеа жойида ҳалок бўлган. Бу каби ҳолатларнинг олдини олиш мақсадида мутасаддилар ва жамоатчилик иштирокида муҳокама ўтказилди.
Аввалроқ Самарқандда учта машина иштирокидаги ЙТҲда Damas пачоқланиб кетгани ҳақида хабар берилганди. Ҳолат юзасидан Самарқанд тумани ИИБ тергов бўлими томонидан дастлабки суриштирув ишлари олиб борилмоқда.
Изоҳ (0)