Fransiya poytaxti Parijda bo‘lib o‘tayotgan yozgi Olimpiya o‘yinlarida ozarbayjonlik kamonchi Yaylagul Ramazonova homilador holatda mamlakat sharafini himoya qildi.
Uning homiladorlikning yettinchi oyida musobaqada ishtirok etishi ijtimoiy tarmoqlar va OAV larida qizg‘in muhokamalarga sabab bo‘ldi.
O‘z taassurotlari bilan o‘rtoqlashar ekan, Ramazonova musobaqa davomida yaqinlashib kelayotgan onalikka unga kuch berganini ta’kidladi.
“Maqsad keyingi bosqichga o‘tib, g'alaba qozonish edi. Asosiy maqsadim davlat bayrog‘imizni baland ko‘tarib, yurtimga medal olib berish edi. Lekin bu yerdagi raqiblar saralangan sportchilar. Olimpiadada kuchsiz raqiblar yo'q. Mening birinchi raqibim xitoylik sportchi edi, men 1/16 finalga chiqdim.
Men tribunalarda muxlislarning mehrini qozondim, bu ajoyib bo‘ldi, mendan tashqari yana bir Misrlik ishtirokchi homilador ekanligini bildim.
Farzandim qachondir Olimpiadada qatnashadimi? Bu kelajakda ko‘rinadi. Oilamizda ham sportchilar, ham san’atkorlar bor. Uning o‘zi tanlaydi. Asosiysi, o‘z vatanini sevadigan munosib insonni tarbiyalash”, deya qo‘shimcha qildi Ramazonova.
Ma’lumot uchun, Yaylagul Ramazonova germaniyalik raqibiga 6:2 hisobida mag‘lub bo‘lib turnirni tark etdi.
Avvalroq qilichbozlik bo‘yicha musobaqada misrlik qilichboz yetti oylik homilasi bilan ishtirok etayotganini ma’lum qilgan edi.
26 yoshli Nada Hafez birinchi bahsda g‘alaba qozondi, ammo bo‘lajak ona 1/8 final bosqichida mag‘lub bo‘lib turnirni tark etdi.
Izoh (0)