Parij Olimpiadasida kamondan o‘q otish bo‘yicha musobaqalar davom etmoqda.
Amirxon Sodiqov Parij—2024 yozgi Olimpiya o‘yinlarida yakkalik dasturidagi ishtirokini yakunladi.
O‘zbekistonlik sportchi 2-davrada London Olimpiadasi g‘olibi italiyalik Mauro Nespoliga 4:6 hisobida imkoniyatni boy berdi.
Ma’lumot uchun, Sodiqov kamondan o‘q otish sport turi bo‘yicha 1-saralashdagi ishtirokida 72 urinishda 674 ochko jamg‘argan holda 13-natijani qayd etgan edi. Amirxon birinchi bosqichda argentinalik Mario Damian ustidan sof g‘alabaga erishgandi.
Afsuski, 2-bosqichdagi mag‘lubiyat sportchining yakkalik bahslarida o‘z yurishini yakunlashiga sababchi bo‘ldi.
Izoh (0)