Parij Olimpiadasining boks bo‘yicha musobaqalari davom ettirildi.
-57 kggacha bo‘lgan vazn toifasida jang qiluvchi O‘zbekiston Olimpiadasi bayroqdori Abdumalik Halokov Shvetsiya vakili Nebil Ibrahimga qarshi jang qildi.
Nebil Ibrahim Yevropa chempionati sovrindori hisoblanadi.
Uch raund davom etgan bahsda 24 yoshli o‘zbek sportchisi g‘alaba qozondi va keyingi bosqichga yo‘l oldi. Hakamlar barcha raundlarda o‘zbek sportchisining g‘alabasini e’tirof etdi — 5:0.
Chorak final bahsini Halokov 3-avgust kuni o‘tkazadi.
