Fransiyaning Parij shahrida yozgi Olimpiada o‘yinlari bo‘lib o‘tmoqda. 29-iyul kungi dasturda qilichbozlik bo‘yicha bahslar ham rejalashtirilgan.
Sablya dasturida o‘zbekistonlik Zaynab Dayibekova koreyalik Yun Jisuga qarshi bahs olib bordi. Murosasiz kechgan uchrashuvda O‘zbekiston vakili 15:11 hisobida mag‘lub bo‘ldi va yakkalik bahslarida Olimpiadadagi ishtirokini yakunladi.
Ma’lumot uchun, qilichbozlik bo‘yicha Osiyo o‘yinlari g‘olibasi, “Shuhrat” medali sohibasi Zaynab Dayibekova Parij—2024 Olimpiya o‘yinlarida bokschi Abdumalik Halokov bilan birgalikda O‘zbekiston sport delegatsiyasining bayroqdorlari etib tanlangan edi.
Izoh (0)