Fransiyaning Parij shahrida yozgi Olimpiada o‘yinlari davom etadi. Bugun, 29-iyul kuni dzyudo bahslarining ayollar o‘rtasidagi -57 kggacha bo‘lgan sportchilar o‘rtasida dastlabki bosqich bahslari bo‘lib o‘tmoqda.
Dzyudochi Shukurjon Aminova Olimpiada sovrinlari uchun dastlabki qadamini tashladi. Kot d’Ivuar vakili Dabonnega qarshi uchrashuvda o‘zbekiston sportchisi g‘alaba qozondi va musobaqani davom ettiradigan bo‘ldi.
Keyingi bosqichda u gruziyalik Eteri Liparteliani bilan bellashadi.
Aminova Shukurjon Fayzullo qizi 2002-yil 16-noyabr kuni Xorazm viloyati Qo‘shko‘pir tumanida tavallud topgan. 2017-yildan xalqaro musobaqalarda yurtimiz sharafini himoya qilmoqda. Murabbiyi Sardor Niyozmetov. Aminova Gran-pri musobaqalarida 1 ta oltin, turli yosh toifalaridagi Osiyo chempionatlarida 2 ta oltin va 1 ta bronza, Xanchjou-2022 yozgi Osiyo o‘yinlarida 1 ta kumush medalga sazovor bo‘lgan. 2021-yilgi jahon chempionatida aralash jamoaviy dasturda bronza medali bilan taqdirlangan.
Aminova Xalqaro dzyudo federatsiyasining yo‘llanmalarni qayta taqsimlash dasturiga ko‘ra -57 kg vazn toifasida Parij-2024 yozgi Olimpiya o‘yinlari yo‘llanmasini qo‘lga kiritgan.
Izoh (0)