Франциянинг Париж шаҳрида ёзги Олимпиада ўйинлари давом этади. Бугун, 29 июль куни дзюдо баҳсларининг аёллар ўртасидаги -57 кггача бўлган спортчилар ўртасида дастлабки босқич баҳслари бўлиб ўтмоқда.
Дзюдочи Шукуржон Аминова Олимпиада совринлари учун дастлабки қадамини ташлади. Кот дъИвуар вакили Дабоннега қарши учрашувда ўзбекистон спортчиси ғалаба қозонди ва мусобақани давом эттирадиган бўлди.
Кейинги босқичда у грузиялик Eterи Липартелиани билан беллашади.
Аминова Шукуржон Файзулло қизи 2002 йил 16 ноябрь куни Хоразм вилояти Қўшкўпир туманида таваллуд топган. 2017 йилдан халқаро мусобақаларда юртимиз шарафини ҳимоя қилмоқда. Мураббийи Сардор Ниёзметов. Аминова Гран-при мусобақаларида 1 та олтин, турли ёш тоифаларидаги Осиё чемпионатларида 2 та олтин ва 1 та бронза, Ханчжоу-2022 ёзги Осиё ўйинларида 1 та кумуш медалга сазовор бўлган. 2021 йилги жаҳон чемпионатида аралаш жамоавий дастурда бронза медали билан тақдирланган.
Аминова Халқаро дзюдо федерациясининг йўлланмаларни қайта тақсимлаш дастурига кўра -57 кг вазн тоифасида Париж-2024 ёзги Олимпия ўйинлари йўлланмасини қўлга киритган.
Изоҳ (0)