АҚШ президенти Жо Байден ва вице-президент Камала Ҳаррис 25 июль куни Вашингтонда Исроил бош вазири Биньямин Нетаньяху билан алоҳида учрашувлар ўтказади. Бу ҳақда Оқ уй расмийлари маълум қилди.
“Учрашувдан сўнг икки давлат раҳбарлари ҲАМАС томонидан гаровга олинган америкаликларнинг оилалари билан кўришади, шу куни вице-президент Камала Ҳаррис ҳам бош вазир Нетаньяху билан алоҳида учрашув ўтказади”, дейилади Америка маъмурияти хабарида.
Бўлажак муҳокамалар ўт очишни тўхтатиш ва Ғазо секторида Фаластиннинг Ҳамас ҳаракати томонидан гаровга олинганларни озод қилиш, шунингдек, Эрон ва Яқин Шарқ минтақасидаги бошқа давлатларнинг Исроилга “хавфсизлик таҳдиди”га қарши туриш масалаларига қаратилади.
Эслатиб ўтамиз, Нетаньяху аввалроқ АҚШга ташрифи давомида президентликка Республикачилар партиясидан номзод Дональд Трамп билан учрашишни режалаштираётганини маълум қилган эди.
Изоҳ (0)