Xitoyda bugun, 24-iyul kuni ertalab superto‘fonga aylangan “Gaemi” to‘foni sababli eng yuqori — qizil darajali xavf e’lon qilindi.
Bu haqda Xitoy markaziy meteorologiya boshqarmasi bayonotida aytilgan.
Tropik siklon hozirda Tayvan orolidagi Yilan okrugidan taxminan 195 kilometr janubi-sharqda joylashgan. Ushbu hududda shamol tezligi sekundiga 55 metrga yetadi.
“Gaemi” super to‘foni soatiga 10-15 kilometr tezlikda harakatlanib, mahalliy vaqt bilan chorshanbaga o‘tar kechasi Tayvanning sharqiy qirg‘oqlariga yetib borishi kutilmoqda.
Shundan so‘ng u orolning shimoliy qismidan o‘tadi va ertasi kuni bo‘ronli shamol va kuchli yog‘ingarchilik kutilayotgan Xitoyning sharqiy Futszyan provinsiyasiga yetib boradi. Ayrim hududlarda 600 mm gacha yog‘ingarchilik yog‘ishi prognoz qilinmoqda.
Futszyan provinsiyasining qirg‘oqbo‘yi hududlarida rasmiylar tabiiy ofatga tayyorgarlik ko‘rmoqda. Dengizdagi barcha kemalarga xavfli hududlarni tark etib, portlarda boshpana topish buyurilgan.
Izoh (0)