Ukraina tashqi ishlar vaziri Dmitriy Kuleba Guanchjouda xitoylik hamkasbi Van I bilan uchrashuvda Kiyev Moskva bilan muzokaralarga tayyor ekanini aytdi. Bu haqda Xitoy TIV bayonotida xabar berildi.
Ukraina tomoni Rossiya tomoni bilan muloqot va muzokaralarga tayyor. Albatta, muzokaralar adolatli va mustahkam tinchlikka erishishga qaratilgan, oqilona va mazmunli bo‘lishi kerak, deya Kuleba so‘zlaridan iqtibos keltirgan Xitoy TIV.
Ukraina ushbu xabarga va uning haqiqiyligiga izoh bermagan.
Xitoy TIV maʼlumotlariga ko‘ra, Kuleba Ukraina Xitoy va Braziliya 2024-yil may oyida taqdim etgan tinchlik rejasini “diqqat bilan o‘rganganini” aytgan.
Reuters’ga ko‘ra, Kuleba va Van Yi o‘rtasidagi muzokaralar uch soatdan ortiq davom etgan.
Rejalashtirilgandan uzoqroq. Bu juda chuqur va aniq suhbat bo‘ldi, deydi Ukraina delegatsiyasidagi suhbatdoshlardan biri.
Rossiya prezidenti matbuot kotibi Dmitriy Peskov Xitoy TIV xabarini sharhlar ekan, Moskva Kiyev bilan hech qachon muzokaralardan bosh tortmaganini aytgan.
Rossiya hech qachon muzokaralardan bosh tortmagan. U har doim ularga ochiq edi. Bu yerda biz hali bilmagan tafsilotlar muhim, biz qo‘shimcha tushuntirishlarni kutamiz, deya ta’kidlagan Kreml vakili.
Ukraina TIV rahbari Dmitriy Kuleba 23-iyul kuni amaliy tashrif bilan Xitoyga tashrif buyurgan edi.
Avvalroq Ukraina prezidenti Vladimir Zelenskiy Kiyev Rossiya prezidenti Vladimir Putin bilan tinchlik muzokaralarini faqat vositachilar orqali o‘tkazishi mumkinligini aytgan.
Izoh (0)