Germaniya kansleri Olaf Shols u boshqarayotgan Germaniya Sotsial-demokratik partiyasini (SDP) juda hamjihat deb atadi. U 2025-yilgi saylovlarda yana o‘z nomzodini qo‘yishini aytdi.
Unga ko‘ra, sotsial-demokratlar kelasi yilgi federal saylovlarda g‘alaba qozonish niyatida. “Men yana kansler bo‘lish uchun nomzodimni qo‘yaman”, dedi Shols Berlindagi matbuot anjumanida.
U saylovlargacha jamiyatdagi kayfiyat “SDP foydasiga o‘zgarishini” kutmoqda. Kansler saylovchilarni “harakat va shaffoflik orqali” ishontirishni xohlayotganini aytdi, deya uning so‘zlarini keltiradi Bild.
Olaf Shols 2021-yil 8-dekabrdan beri Germaniya federal kansleri lavozimida ishlab kelmoqda. Bungacha uch yil davomida Germaniya vitse-kansleri va moliya vaziri bo‘lgan.
Bu yil Germaniyada bo‘lib o‘tgan Yevroparlament saylovlarida SDP o‘zining eng yomon natijasini ko‘rsatdi.
Izoh (0)