Farg‘ona viloyatida yurib ketayotgan Damas’dan sakrab tushgan yo‘lovchini boshqa Damas bosib ketdi. Bu haqda viloyat Yo‘l harakati xavfsizligi boshqarmasi xabar berdi.
Ma’lum bo‘lishicha, joriy yil 16-iyul kuni Farg‘ona shahar Qirguli mavzesi Shifokorlar ko‘chasida fuqaro N.K. boshqaruvidagi Damas’da yo‘lovchi sifatida ketayotgan fuqaro D.P. avtomobilning orqa eshigini ochib, sakragan va qarama-qarshi tomonidan kelayotgan avtomobilning old qismiga kelib urilgan.
Natijada D.P. tan jarohati olib, kasalxonaga yotqizilgan. Biroq ko‘rsatilgan tibbiy yordamga qaramay kasalxonada vafot etgan.
Hozirda mazkur holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)