“Tarmoqda nima gap?” loyihasi doirasida “Daryo” qiziqarli postlarni bir joyga jamlab borishda davom etadi.
Quyida 19-iyulda e’lon qilingan ba’zi postlarni e’tiboringizga havola qilamiz.
Windows’dagi texnik muammo tufayli banklar, to‘lov tizimlari va aeroportlar faoliyatida global uzilish kuzatilmoqda. Amerikalik tadbirkor Ilon Mask bu vaziyatni qanchalik “xavotirli” tarzda kuzatayotganini bildirdi.
AQSH sobiq prezidenti Donald Tramp 14-iyul kuni Pensilvaniyaning Batler shahridagi saylovoldi mitingi paytida yaralangan edi. Hodisa aks etgan videoda uning chiqishi chog‘ida o‘q ovoziga o‘xshash tovushlar eshitilgan. Shundan so‘ng Tramp qulog‘ini ushlab yotib olgan. Qo‘riqchilar shu zahoti Trampni o‘rab olgan. Prezidentlikka nomzod o‘rnidan turganida qulog‘idan qon oqayotganini ko‘rish mumkin. Maxsus xizmat agentlari uni qurshab olib, o‘rnidan turishiga yordam bergan va sahnadan olib ketgan. Biroq ijtimoiy tarmoqlarda uning yonidagi ayol qo‘riqchining xatti-harakatlari turli muhokamalarga sabab bo‘lmoqda.
O‘zbekistonda Facebook’dan 32 foiz ayollar, 68 foiz erkaklar, Instagram’dan esa 37 foiz ayollar, 63 foiz erkaklar foydalanishi haqida bilarmidingiz?
Mamlakatda 8,70 mln kishi ijtimoiy tarmoqlardan foydalanishi aytildi. Shundan 37 foizini ayollar tashkil qiladi.
Yana bir raqamlarga doir qiziq ma’lumot. O‘zbekistonda yiliga 100 ming kishi chet tili xalqaro imtihoniga topshiryapti. IELTS’dan 9 ball olganlar 25 nafarga yetdi.
Depressiyaga qarshi nanoqoplamaga ega ko‘zoynak.
Chaqaloqlar spa-salon xizmatidan foydalanganini ko‘rganmisiz?
1 ta porsiya lag‘mon, mastava, chuchvara 5 ming so‘m: o‘n yil avvalgi oshxona surati.
Izoh (0)