Ijtimoiy tarmoqlarda yangiliklar oqimi to‘xtovsiz davom etadi. Barchasini qamrab olish, hamma postlar bilan tanishib chiqish ilojsiz.
"Daryo" tarmoqlardagi qiziqarli postlarni bir joyga jamlab borishga qaror qildi. Quyida12-iyulda e’lon qilingan ba’zi postlarni e’tiboringizga havola qilamiz.
Sun’iy intellekt hayotimizning ajralmas qismiga aylanib bormoqda, endi foydalanuvchilar undan hatto tarvuz olishda ham maslahat so‘rayapti.
Ijtimoiy tarmoq faoli Laziz Hamidov Toshkent shahar hokimi bo‘lib qolsa, qanday ish tutishi haqida yozib qoldirdi.
Tarmoqlarda “ming so‘m bering, akajonlar” so‘zlari bilan mashhurlikka erishgan, hatto “Xalqlar do‘stligi” san’at saroyigacha chiqqan Bozorboy va nihoyat hujjatli bo‘ldi. Adliya vazirligi Bektemir tumani “Iyk ota” mahallasida yashovchi 8 yoshli Bozorboy va uning 11 yoshli akasi hamda 10 yoshli opasida haligacha tug‘ilganlik guvohnomasi bo‘lmaganini bildirdi.
Tesla boshqaradigan taksichini ko‘rganmisiz? Ayni damda Fransiyada bo‘lgan Muhrim A’zamxo‘jayevning yozishicha, haydovchi bo‘sh vaqtida yo‘lovchi tashish bilan shug‘ullanarkan.
Metroda kitob o‘qib ketayotgan Milliy gvardiya xodimi ham bugungi kunning asosiy qahramoniga aylandi.
Ilon Mask Twitter’ni 44 milliard dollarga sotib olgani xabar qilingandi. Mablag‘ni o‘tkazib berish uchun esa 200 million dollar bank komissiyasi to‘laganini bilarmidingiz?
Turkiyaning eng ko‘p tashrif buyuriladigan muzeyi Ayo Sofiya haqida bilasizmi?
Izoh (0)