Toshkent viloyatining Qibray tumanida Urganch davlat universitetining qo‘l to‘pi fakultetiga o‘qishga kiritib qo‘yishni va’da qilib, 5 ming dollar olgan o‘qituvchi va bosh mutaxassis qo‘lga olindi. Bu haqda “Daryo” manbasi xabar berdi.
-gEf_gIOf.jpg)
Ma’lum qilinishicha, O‘zbekiston davlat jismoniy tarbiya va sport universiteti o‘qituvchisi va shu universitetning talabalar bilan ishlash bo‘limi bosh mutaxassisi sifatida ishlab kelgan shaxs fuqaroni o‘qishga kiritib qo‘yishni va’da qilgan. Evaziga esa 5 ming dollar so‘ragan.
Fuqaro bu haqda DXXning Qoraqalpog‘iston respublikasi bo‘yicha boshqarmasi boshlig‘iga ma’lum qilib, “ucharlar”ga chora ko‘rishni so‘ragan.
Murojaatchi o‘z arizasida O‘zbekiston davlat jismoniy tarbiya va sport universiteti o‘qituvchisi va shu universitetning talabalar bilan ishlash bo‘limi bosh mutaxassisi sifatida ishlab kelgan shaxs vazirlikdagi tanishlari orqali uning o‘qishga kirishini ta’minlab bermoqchi bo‘lganini bildirgan.
Mazkur arizaga ko‘ra, Iqtisodiy jinoyatlarga qarshi kurashish departamentining Qibray tumani bo‘limi shuningdek, DXX xodimlari ishtirokida tezkor tadbir o‘tkazilgan. Tadbir avvalida O‘zbekiston davlat jismoniy tarbiya va sport universiteti o‘qituvchisi, ko‘p o‘tmay shu universitetning talabalar bilan ishlash bo‘limi bosh mutaxassisi ham pulni olayotgan vaqtda qo‘lga olingan.
Holat yuzasidan Jinoyat kodeksining 211-moddasi (pora berish) va 168-moddasi (firibgarlik) bo‘yicha jinoyat ishi qo‘zg‘atilgan va barcha hujjatlar Qibray tuman prokuraturasiga yuborilgan.
Izoh (0)