Тошкент вилоятининг Қибрай туманида Урганч давлат университетининг қўл тўпи факультетига ўқишга киритиб қўйишни ваъда қилиб, 5 минг доллар олган ўқитувчи ва бош мутахассис қўлга олинди. Бу ҳақда “Дарё” манбаси хабар берди.
-gEf_gIOf.jpg)
Маълум қилинишича, Ўзбекистон давлат жисмоний тарбия ва спорт университети ўқитувчиси ва шу университетнинг талабалар билан ишлаш бўлими бош мутахассиси сифатида ишлаб келган шахс фуқарони ўқишга киритиб қўйишни ваъда қилган. Эвазига эса 5 минг доллар сўраган.
Фуқаро бу ҳақда ДХХнинг Қорақалпоғистон республикаси бўйича бошқармаси бошлиғига маълум қилиб, “учарлар”га чора кўришни сўраган.
Мурожаатчи ўз аризасида Ўзбекистон давлат жисмоний тарбия ва спорт университети ўқитувчиси ва шу университетнинг талабалар билан ишлаш бўлими бош мутахассиси сифатида ишлаб келган шахс вазирликдаги танишлари орқали унинг ўқишга киришини таъминлаб бермоқчи бўлганини билдирган.
Мазкур аризага кўра, Иқтисодий жиноятларга қарши курашиш департаментининг Қибрай тумани бўлими шунингдек, ДХХ ходимлари иштирокида тезкор тадбир ўтказилган. Тадбир аввалида Ўзбекистон давлат жисмоний тарбия ва спорт университети ўқитувчиси, кўп ўтмай шу университетнинг талабалар билан ишлаш бўлими бош мутахассиси ҳам пулни олаётган вақтда қўлга олинган.
Ҳолат юзасидан Жиноят кодексининг 211-моддаси (пора бериш) ва 168-моддаси (фирибгарлик) бўйича жиноят иши қўзғатилган ва барча ҳужжатлар Қибрай туман прокуратурасига юборилган.
Изоҳ (0)