Prezident Shavkat Mirziyoyevning Ostona shahriga amaliy tashrifi dasturidagi tadbirlar yakuniga yetdi. Bu haqda Prezident matbuot xizmati xabar berdi.
![](/static/2024/07/04/2024-07-04 20.44.52-2AGteYkp.jpg)
Kecha, 3-iyul kuni davlat rahbari Xitoy Xalq Respublikasi raisi Si Szinpin bilan muzokaralar o‘tkazib, ikki tomonlama munosabatlarni yanada mustahkamlash masalalarini muhokama qildi.
![](/static/2024/07/04/2024-07-04 20.44.55-76buMdpY.jpg)
Pokiston Islom Respublikasi bosh vaziri Shahboz Sharif bilan uchrashuvda ikki mamlakat o‘rtasidagi hamkorlikni kengaytirish masalalari ko‘rib chiqildi.
![](/static/2024/07/04/2024-07-04 20.44.58-nVUUv25F.jpg)
Bugun prezident Shanxay hamkorlik tashkiloti Davlat rahbarlari kengashining navbatdagi majlisida va “SHHT +” formatidagi uchrashuvda ishtirok etib, tashkilot makonida ko‘p qirrali sheriklikni yanada kengaytirishga qaratilgan qator muhim taklif va tashabbuslarni ilgari surdi.
![](/static/2024/07/04/2024-07-04 20.45.01-y9iYM3zp.jpg)
Tashrif tadbirlari yakunlangach, Ostona xalqaro aeroportida O‘zbekiston prezidentini Qozog‘iston bosh vaziri Oljas Bektenov va boshqa rasmiylar kuzatib qo‘ydi. Davlat rahbari Toshkentga jo‘nab ketdi.
![](/static/2024/07/04/2024-07-04 20.45.03-3e8rPcwZ.jpg)