O‘zbekistonda 2024-yil kasbiy (ijodiy) imtihon topshiradigan abituriyentlar uchun alohida ruxsatnomalar berish joriy qilindi. Bu haqda Oliy ta’lim, fan va innovatsiyalar vazirligi xabar berdi.
Qayd etilishicha, ruxsatnomada abituriyent haqidagi ma’lumotlardan tashqari imtihon haqidagi ma’lumotlar ham mavjud bo‘ladi. Ya’ni unda kasbiy (ijodiy) imtihon o‘tkaziladigan:
- yo‘nalish;
- oliy ta’lim muassasasi nomi;
- manzil;
- sanasi va vaqti aniq ko‘rsatilgan bo‘ladi.
Hozirda ruxsatnomalar “my.uzbmb.uz” saytida shakllantirilmoqda. Jarayon yakunlangandan so‘ng, abituriyentlar shaxsiy kabinetidan yuklab olishlari mumkin bo‘ladi.
Vazirlik imtihonlar o‘tkaziladigan sana bo‘yicha tez orada qo‘shimcha xabar berilishini ma’lum qildi.
Avvalroq O‘zbekistonda 2024/2025-o‘quv yilida oliy va professional ta’lim muassasalariga qabul qilish bo‘yicha test sinovlarida ishtirok etish uchun 894 279 nafar abituriyent ro‘yxatdan o‘tgani to‘g‘risida xabar berilgandi.
Izoh (0)