Amerikalik aktyor Dueyn Jonson Amazon kompaniyasining premyerasiga oz muddat qolgan “Qizil” filmini suratga olish jarayoniga jiddiy yondashmagani aytilmoqda.
U ko‘rinishidan mehribon va samimiy tabassumli shaxs sifatida tanilgan bo‘lsa-da, so‘nggi paytlarda aktyorning xatti-harakati rejissyorning hafsalasini pir qildi. Dueyn syomka jarayonlariga doimiy kechikib kelishi oqibatida “Qizil” filmi loyihasi katta yo‘qotishlarga duchor bo‘lmoqda.
Film premyerasi 2023-yilda Rojdestvo arafasida bo‘lib o‘tishi kerak edi, biroq aktyorlar ish tashlashi sababli premyera 2024-yil noyabriga ko‘chirildi, degan xabarlar tarqalgan edi. Aslida esa hammasi Jonson tufayli sodir bo‘ldi: u suratga olish maydoniga 7-8 soatga kechikib kelar va ogohlantirishsiz ish kunlarini o‘tkazib yuborar edi. Natijada “Qizil” filmi xarajatlari 200 million dollardan 250 million dollarga oshib ketdi.
Avvalroq Jonson “Qizil ogohlantirish” filmini suratga olish jarayonida aktyor Rayan Reynolds bilan janjallashib qolgan edi. Jamoa Dueynni 5 soatlab kutib qolishi aktyorni g‘azablantirgan edi.
Izoh (0)