Mazkur filmlar qaynoq ish kunidan keyin hordiq chiqarish uchun ayni muddao.
“Patrul”
- AQSH, 2012-yil.
- Drama, kriminal, triller, jangari.
- Davomiyligi: 109 daqiqa.
- IMDb: 7.6.
Los-Anjeleslik ikki qadrdon do‘st — politsiyachilar mahalliy jinoiy guruhlar bilan kurashadi. Qahramonlar bu borada bir nechta kriminallarni fosh qilgan, shuning uchun ham kartellardan biri ularning payiga tushgan. Endi ular o‘z hayotlarini saqlab qolishlari kerak.
Politsiyachilar Brayan va Mayk rollarini Jeyk Jillenhol va Maykl Pena ijro etgan. Bu qahramonlarning munosabatlari syujetdan ko‘ra muhimroqdir. Filmda sheriklar haqida emas, balki bir-birini muammodan qutqarishi kerak bo‘lgan do‘stlar haqida hikoya qilinadi.
“Yetti”
- AQSH, 1995-yil.
- Triller, drama, kriminal, detektiv.
- Davomiyligi: 127 daqiqa.
- IMDb: 8.6.
Uilyam Somerset jinoiy qidiruv bo‘limidagi ishidan allaqachon charchagan va nafaqaga chiqish arafasida. Biroq u seriyali qotil ishini so‘nggi ish sifatida tergov qilishga majbur bo‘ladi. Shu bilan birga, Uilyamga yosh sherik yuklanadi. Ular birgalikda manyakni topishga bel bog‘lashadi.
Filmdagi Morgan Friman va Bred Pitt dueti ijro mahorati bilan tomoshabinlarni hayratga soladi. Qahramonlar o‘rtasidagi munosabatlar tezda rivojlanadi, ishonchsizlikdan g‘amxo‘rlikka o‘tadi, chunki ular ishni yolg‘iz hal qila olmasligini tushunadilar.
“Zodiak”
- AQSH, 2007-yil.
- Triller, drama, kriminal, detektiv.
- Davomiyligi: 158 daqiqa.
- IMDb: 7.7.
Sirli qotil uzoq vaqt davomida butun shaharni qo‘rquvda ushlab turadi. Yagona dalil — uning jurnalistlar bilan aloqasi, qotil ularga xat va topishmoqlar yuboradi. Politsiya manyakni topish uchun jurnalistlar bilan hamkorlik qilishga majbur.
“Jinoiy asar”
- AQSH, 1994-yil.
- Kriminal, drama.
- Davomiyligi: 154 daqiqa.
- IMDb: 8.9.
Vinsent Vega va Jyul Uinfild xo‘jayini Marselus Uollesning qarzlarini undirishdi. Bir kuni u Vinsentdan kechki paytni xotini Miya bilan o‘tkazishni so‘raydi, lekin hammasi rejadagidek ketmaydi.
Sheriklar — Vinsent va Jyul Kventin Tarantino filmlaridagi eng taniqli duetdir. Travolta va Jeksonning mahorati bu juftlikni yanada yaxshilaydi — aktyorlar o‘rtasida o‘zaro tushunish mavjud.
“Qora ritsar”
- AQSH, Buyuk Britaniya, 2008 yil.
- Ilmiy fantastika, jangari, triller, kriminal, drama.
- Davomiyligi: 152 daqiqa.
- IMDb: 9.0.
Joker qayerda paydo bo‘lmasin, ko‘ngilsizlik olib keladi. Betmen tartibsizliklarga chek qo‘yish uchun mahalliy politsiya bilan hamkorlik qilishi kerak. Qahramonning barcha sa’y-harakatlariga qaramay, Joker aholiga tobora ko‘proq azob-uqubatlar keltira boshlaydi.
Inspektor Gordon va Betmen nafaqat ishda hamkor — ikkalasi ham shahar xavfsizligi uchun mas’ul, balki chinakam do‘stona munosabatlarga ega. Ularning birga ijro etgan sahnalari ko‘p bo‘lmasa-da, qahramonlarni bir-biriga yordam beradigan sheriklar deb hisoblash mumkin.
“Aritmiya”
- Rossiya, 2017-yil.
- Melodrama, drama.
- Davomiyligi: 116 daqiqa.
- IMDb: 7.4.
Oleg — tez yordam shifokori. Har safar u imkonsiz narsani bajarishga va bemorlariga yordam berishga harakat qiladi. Biroq u ishdagi muammolari bilan band bo‘lganidan, shaxsiy hayoti buziladi.
Oleg feldsher Dima bilan ishlaydi, ular faqat odamlarni qutqaribgina qolmay, balki do‘stlar hamdir. Bu o‘zidan ko‘ra boshqalarga yordam berishni burchi deb biladigan shifokorlar haqida juda ta’sirchan film.
“Mashg‘ulot kuni”
- AQSH, 2001-yil.
- Boevik, triller, drama, kriminal.
- Davomiyligi: 122 daqiqa.
- IMDb: 7.7.
Jek Hoyt giyohvand moddalar bo‘limida ish boshlaydi. Shafqatsiz usullardan foydalanadigan politsiyachi Alonso Haris uning sherigi va ustoziga aylanadi. Jeyk va Alonzo oxiri yo‘qdek tuyulgan mashg‘ulot kunini boshlashadi.
Hamkorlarni Itan Hok va Denzel Vashington ijro etgan. Ularning munosabatlari do‘stlikka deyarli o‘xshamaydi va shuning uchun film juda qiziq — bu politsiya haqidagi noan’anaviy drama.
Izoh (0)