Falastin rahbariyati 20-iyun kuni maxsus bayonot eʼlon qilib, harbiy operatsiyadan so‘ng G‘azo sektorini o‘z nazoratiga olishini, anklav boshqaruvi hech qanday xalqaro kuchlarga berilmasligini eʼlon qildi. Bu haqda Ramallahdagi prezident idorasi bayonotiga asoslanib, Anadolu xabar berdi.
Ushbu nisbatan keskin chaqiriq Isroil rasmiylari bayonotidan so‘ng yuzaga chiqqan. Oldinroq Tel-Aviv vakillari urush tugagach, G‘azo sektorida xalqaro kuchlar joylashtirilishi mumkinligini xabar bergan edi.
Falastin maʼmuriyati G‘azo ustidan boshqaruvni to‘liq qo‘lga olish niyatini qatʼiy ifoda etgan. Sektorga etnik va diniy umumiylikka ega bo‘lmagan mamlakat kuchlari joylashuvi mojaroni kattalashtirishi aytilgan.
“Falastin hududida xorijiy kuchlarning mavjud bo‘lishi uchun qonuniy asos yo‘q. Faqat Falastin xalqigina unga rahbar tayinlashi va boshqarishi mumkin”, — degan Falastin prezidenti idorasi rasmiy vakili Nabil Abu Rudeyna.
Avvalroq Isroil radioeshittirish boshqarmasi o‘z ismini oshkor etmagan xavfsizlik xodimiga iqtibos keltirgan holda, Isroil armiyasi G‘azo sektorida uning o‘rniga xalqaro kontingent joylashtirilmaguncha qolishi, bu esa bir necha oyga cho‘zilishi mumkinligini xabar bergan edi.
“Biz G‘arbiy Sohilda yoki G‘azo sektorida: o‘z yerimizda xorijliklar bo‘lishini qabul qila qilmaymiz va bunga ruxsat bermaymiz. Falastin masalasi faqatgina insonparvarlik yordami yuboriladigan hududgina emas, balki yer va davlatchilik masalasidir. Bu mahalliy arablar uchun muqaddas vazifa va dolzarb mavzudir”, — deyilgan Falastin hukumati xabarida.
Izoh (0)