Фаластин раҳбарияти 20 июнь куни махсус баёнот эълон қилиб, ҳарбий операциядан сўнг Ғазо секторини ўз назоратига олишини, анклав бошқаруви ҳеч қандай халқаро кучларга берилмаслигини эълон қилди. Бу ҳақда Рамаллаҳдаги президент идораси баёнотига асосланиб, Anadolu хабар берди.
Ушбу нисбатан кескин чақириқ Исроил расмийлари баёнотидан сўнг юзага чиққан. Олдинроқ Тель-Авив вакиллари уруш тугагач, Ғазо секторида халқаро кучлар жойлаштирилиши мумкинлигини хабар берган эди.
Фаластин маъмурияти Ғазо устидан бошқарувни тўлиқ қўлга олиш ниятини қатъий ифода этган. Секторга этник ва диний умумийликка эга бўлмаган мамлакат кучлари жойлашуви можарони катталаштириши айтилган.
“Фаластин ҳудудида хорижий кучларнинг мавжуд бўлиши учун қонуний асос йўқ. Фақат Фаластин халқигина унга раҳбар тайинлаши ва бошқариши мумкин”, — деган Фаластин президенти идораси расмий вакили Набиль Абу Рудейна.
Аввалроқ Исроил радиоэшиттириш бошқармаси ўз исмини ошкор этмаган хавфсизлик ходимига иқтибос келтирган ҳолда, Исроил армияси Ғазо секторида унинг ўрнига халқаро контингент жойлаштирилмагунча қолиши, бу эса бир неча ойга чўзилиши мумкинлигини хабар берган эди.
“Биз Ғарбий Соҳилда ёки Ғазо секторида: ўз еримизда хорижликлар бўлишини қабул қила қилмаймиз ва бунга рухсат бермаймиз. Фаластин масаласи фақатгина инсонпарварлик ёрдами юбориладиган ҳудудгина эмас, балки ер ва давлатчилик масаласидир. Бу маҳаллий араблар учун муқаддас вазифа ва долзарб мавзудир”, — дейилган Фаластин ҳукумати хабарида.
Изоҳ (0)