G‘azoning kelajagini falastinliklar belgilaydi — HAMAS

G‘azo sektorining kelajagini Falastin xalqi belgilaydi. Bu haqda Falastinning HAMAS harakati ma’lum qildi.

HAMASga ko‘ra, Isroil hukumati va AQSH ma’muriyatining Falastin xalqi siyosiy kelajagi bilan bog‘liq rejalari Isroil hukumatining “muvaffaqiyatsizlik va umidsizlik yo‘lidan borishga bo‘lgan doimiy istagi” sifatida baholanmoqda.

Bu yovuz rejalarni Falastinning qat’iyati va irodasi fonida amalga oshirib bo‘lmaydi. Falastin xalqining taqdiri va G‘azo sektorining jinoiy hujumlar mag‘lub bo‘lgandan keyingi kelajagini boshqa hech kim emas, balki Falastin xalqi belgilaydi, — deydi HAMAS.

HAMASning jangari qanoti Izzad-Din al-Qassam brigadalari Isroilga qarshi “Al-Toshqin” operatsiyasini boshlaganini eʼlon qilgan o‘tgan yilning 7-oktyabridan beri G‘azoda 37 600 dan ortiq falastinlik halok bo‘lgan, ularning aksariyati ayollar va bolalar.

Bundan tashqari, 86,2 mingdan ortiq kishi jabrlangan, buni mahalliy sog‘liqni saqlash organlari ma’lumotlari tasdiqlagan.

Sakkiz oydan ortiq davom etgan Isroil hujumlari blokadadagi G‘azo sektorining katta hududlarini vayronaga aylantirgan. Isroil blokadasi tufayli mahalliy aholi oziq-ovqat, toza suv va dori-darmonlarning keskin tanqisligiga duch kelgan.