Namangan viloyati hokimi Shavkatjon Abdurazzoqov Xitoyning Taychjou shahridagi Hua Hai Pharmaceutical korporatsiyasi faoliyati bilan tanishdi. Bu haqda Namangan viloyati hokimligi axborot xizmati xabar berdi.
Ushbu korporatsiya 1966-yilda tashkil etilgan bo‘lib, hozirda 8 mingdan ortiq ishchi mehnat qiladi. Qon-bosim, yurak-tomir hamda qandli diabet kabi kasalliklarga qarshi dori vositalari ishlab chiqaradi.
Ushbu korporatsiya o‘z mahsulotlarini 2012-yilda AQSH bozoriga eksport qilgan birinchi Xitoy kompaniyasi hisoblanadi.
Kompaniya rahbari bilan muzokara olib borgan Shavkatjon Abdurazzoqov Kosonsoy tumanidagi farmatsevtikaga ixtisoslashgan kichik sanoat zonasida dori vositalari ishlab chiqarish loyihasini amalga oshirish yuzasidan taklif berdi. Buning uchun viloyatda barcha sharoit va imkoniyatlar yaratib berilishini takidlab o‘tdi.
Xitoylik ishbilarmonlar mazkur taklifga katta qiziqish bildirdi. Bu yuzasidan alohida loyiha ishlab chiqish bo‘yicha kelishib olindi.
Izoh (0)