Toshkent viloyati IIBB Yo‘l harakati xavfsizligi boshqarmasi Parkent tumanida yuk avtomobili ishtirokida sodir bo‘lgan yo‘l transport hodisasi yuzasidan maʼlumot berdi.
Qayd etilishicha, 22-iyun kuni soat taxminan 11:30 larda Toshkent viloyati Parkent tumani hududidan o‘tgan 4R15 Qiziltog‘—Parkent—Yangibozor avtomobil yo‘lining 56-kilometrida (Markaziy bozor qarshisida) 24 yoshli haydovchi R.N “Kamaz” rusumli yuk mashinasini boshqarib kelayotib, oraliq masofani saqlamagani va harakat tezligini nazorat qila olmagani sababli o‘zi bilan bir yo‘nalishda bo‘lgan ikkita Cobalt, Spark va Lacetti rusumli transport vositalari ishtirokida yo‘l transport hodisasi sodir etgan.
Ushbu yo‘l transport hodisasi natijasida tan jarohati olgan fuqorolar yo‘q.
Hozirda holat yuzasidan Parkent tumani IIB Yo‘l harakati xavfsizligi bo‘limi tomonidan surishtiruv ishlari olib borilmoqda.
Avvalroq Samarqandda “KamAZ” ayol va uning ikki farzandini urib yuborgani, Sirdaryoda Nexia-1 yuk mashinasiga kelib urilishi oqibatida ikki kishi jarohatlangani, Toshkentda 2024-yilning besh oyida YTH oqibatida 29 kishi halok bo‘lgani to‘g‘risida xabar berilgandi.
Izoh (0)