G‘azo sektoridagi Al-Shati qochqinlar lageriga berilgan aviazarbalar oqibatida 10 kishi, jumladan, HAMAS siyosiy byurosi rahbari Ismoil Haniyaning singlisi Zohir Abdussalom Haniya halok bo‘ldi. Bu haqda Anadolu xabar berdi.
Guvohlarning so‘zlariga ko‘ra, Isroil armiyasi samolyotlari Haniya oilasiga tegishli uyga zarba bergan. Hujum natijasida uy butunlay vayron bo‘lgan, kamida 10 kishi halok bo‘lgan. G‘azodagi “Muammedani” kasalxonasidagi manbalarning aytishicha, qurbonlar orasida Zohir Abdussalom Haniya ham bor.
Eslatib o‘tamiz, Isroil muqaddas Ramazon bayramida G‘azodagi Al-Shati qochqinlar lagerini o‘qqa tutishi oqibatida Ismoil Haniyaning uch o‘g‘li va to‘rt nabirasi halok bo‘lgan edi.
Aprel oyida Ismoil Haniyaning boshqa bir singlisi — Sabah Abdel Salam Haniya Isroil janubida terrorizm bo‘yicha tergov doirasida hibsga olingandi. U “HAMAS faollari bilan aloqada bo‘lganlikda, Isroilda terrorchilik harakatlarini qo‘llab-quvvatlaganlikda” gumon qilingan.
Izoh (0)