Film suratga olish uzoq va mehnat talab qiladigan jarayon. Smenaning oxiriga kelib aktyorlar ham, suratga olish guruhi ham shunchalik charchaganidan xatolarga yo‘l qo‘yishadi. Kinoda eng keng tarqalgan xatolar — kutilmaganda paydo bo‘ladigan va yo‘qolgan narsalar, kiyim qismlari, shuningdek, kadrga tushib qolgan begona narsalardir.
Kruassanning sirli g‘oyib bo‘lishi
“Go‘zal ayol” filmida Vivian hashamatli mehmonxonadagi nonushtada kruassan yegan holda “Ota-onang sen bilan juda faxrlansa kerak?” degan savolidan keyin kamera Richard Girga o‘tadi va bir soniyada yana aktrisaga qaytadi. To‘satdan qahramon qo‘lidagi kruassan pankeykka almashib qoladi. Gap shundaki, qiz kruassanni yeb qo‘ygan va pankeykka o‘tgan. Shunchaki, rejissyor sahnani bir necha marta suratga olgan va aktrisaning qo‘llariga qaramagan.
Buni rejissyor Garri Marshallning o‘zi ham tasdiqlab, unga Juliya Robertsning sahnaning ikkinchi qismidagi chiqishi ko‘proq yoqqanini, shuning uchun kruassan sirli tarzda pankeykka aylanganini, keyin esa ular qayta suratga olishganda yeyishni boshlaganini tushuntiradi. Aynan shu sahna filmning yakuniy versiyasiga kiritilgan.
O‘z-o‘zidan to‘lib qoladigan qoshiq
“Qulay xonim” komediyasida agent Greysi Xart barda muzqaymoq yegan sahna bor. Shu vaqtda bir hamkasbi va uning hamrohi salomlashish uchun uning oldiga kelishadi. Ularning suhbati davomida bo‘sh qoshiq to‘satdan muzqaymoq bilan to‘lib qolganini ko‘rish mumkin.
Gaz fonuslaridagi elektr lampochkalar
Ba’zida filmlarda kelajakdan kelgan narsalar paydo bo‘ladi. “Shamollarda qolgan hislarim” romanining filmga moslashuvi 12 yil — 1861-yildan 1873-yilgacha bo‘lgan davrni o‘z ichiga oladi. Atlanta ko‘chalarida suratga olingan filmning ayrim sahnalarida gaz fonuslaridagi lampochkalarni ko‘rish mumkin, holbuki elektr lampalar 1879-yilga kelibgina ixtiro qilingan.
Mo‘jizaviy oyoq kiyimlar
“Arvoh ovchilari” filmida qahramonlardan biri qadimiy sehrga duchor bo‘ladi. Cho‘lda yana bir jodulangan qahramonga duch kelganida ayolning yalangoyoq yurgani yaqqol ko‘rinadi. Biroq u qadimiy iblisning yonidagi o‘rnini egallash uchun zinapoyalarga ko‘tarilayotganda, baland poshnali tuflida paydo bo‘ladi. Keyinchalik jodu o‘z kuchini yo‘qotganda poyabzal yana yo‘qolib qoladi.
Kitob yerga tushmaydi
“Mumiyo”da Evini birinchi marta kutubxonada uchratamiz. Narvonda turgan qiz qo‘lida kitob ushlab, yaqin atrofdagi shkafning javoniga qo‘yishga harakat qiladi. Lekin kitob qo‘lidan tushib ketsa-da, hech qanday ovoz eshitilmaydi, polda ham birorta kitob ko‘rinmaydi — xuddi shu zahotiyoq yer yutib ketgandek.
Sharbat dog‘i rangini o‘zgartiradi
“Notting Hill” melodramasida bosh qahramonning ko‘ylagiga apelsin sharbati to‘kiladi. Tomoshabinlar apelsin dog‘i shakli va rangini hayratlanarli chastotada sahnadan sahnaga o‘zgartirganini payqashadi.
Marjon yo‘qolib qoladi
“Titanik” sahnalarining birida — kechki ovqat paytida Rouz o‘zining baxtsiz kelajagi haqida jiddiy o‘ylayotgan sahnada uning bo‘ynida olmosli marjon bo‘ladi. Keyingi sahnada esa u palubaga yugurib chiqqanida marjon qayergadir yo‘qoladi, qizning sochlari ham to‘zg‘ib ketgan bo‘ladi.
Gap shundaki, oxirgi tahrirda filmdan vaqtinchalik sahna olib tashlangan, u yerda Rouz birinchi bo‘lib xonasiga yugurib kirib, jahl bilan marjonini bo‘ynidan yulib olgan va sochlarini yoygan. Shundan keyingina kema tumshug‘iga yuguradi. Ammo tomoshabinlar buni ko‘rmagani uchun aynan shu kadr tushunarsiz bo‘lib qolgan.
Bir shaxtada ikkita lift
O‘tgan yozning eng mashhur blokbasterida Barbi Mattel rahbarlaridan qochib, pastga liftda tushadi. Uning ortidan quvayotganlar ham o‘sha kabinaga kirishadi. Ammo ular pastga tushayotganda tomoshabinlarga Barbining 1-qavatda liftdan tushayotgani ko‘rsatiladi. Ehtimol, Mattel korporatsiyasi juda zo‘r va yuqori texnologiyali bo‘lib, ularda bir shaxtada bir vaqtning o‘zida 2 ta lift ishlar.
Izoh (0)