Voyaga yetganingiz multfilmlarni yaxshi ko‘rib, tomosha qilishni to‘xtatishingizni anglatmaydi. Ayrim multfilmlar kattalarni ham bolalarcha o‘ylashga, mulohaza yuritishga undaydi. “Interesno” nashri shu kabi multfilmlar haqida ma’lumot berdi.
“Meri va Maks”
Agar qachondir chin yurakdan yig‘lamoqchi bo‘lsangiz, unda “Meri va Maks” multfilmini ko‘rishga vaqt ajrating. Avstraliyalik animator Adam Epliot tomonidan yaratilgan multfilm o‘zining unutilmas atmosferasiga olib kiradi va jiddiy mavzularga to‘xtaladi, biroq shunga qaramay, unda hazilga boy sahnalar ham bor.
“Arvohlar olami” animesi
Siz animeni sevishingiz yoki yoqtirmasligingiz mumkin, biroq Xayao Miyazakini sevmaslik mumkin emas. Ushbu multfilmni tomoshabin oddiy anime sifatida qabul qilmaydi, chunki unda hayratlanarli sahnalar juda ko‘p. Ajoyib syujet, hayratlanarli darajadagi surat va aql bovar qilmaydigan mayda narsalar — bularning barchasi Tixiro ismli qizning hikoyasiga abadiy oshiq qiladi.
“Dengiz qo‘shig‘i”
Tarix va mifologiya motivlari bilan bir vaqtda oilaviy qadriyatlar mavzusiga tegishli “Dengiz qo‘shig‘i” multfilmida inson idroki uchun g‘ayrioddiy bo‘lgan qahramonlar va syujetli burilishlar mavjud.
“Qal’a: qalqon va qilich bilan”
Tarixiy mavzuda film yaratish, uning muvaffaqqiyatli chiqishi umuman boshqa masala, biroq aynan shu mavzuda yaratilgan yaxshi multfilmlar bor. Smolensk qal’asi mudofaasi haqida hikoya qiluvchi ushbu ajoyib multfilm ham tomoshabinni o‘ziga rom etadi. U tarixiy aniqlikka da’vo qilmaydi, biroq aniq xotiradagi bo‘shliqlarni to‘ldiradi.
“Martinko”
Multfilm rejissori bir vaqtning o‘zida Sovet animatsiyasining ko‘plab mashhur loyihalarini taqdim etgan va “Martinko” ham bundan mustasno emas. Multfilm qahramonlarining har bir so‘zi, har bir harakati shunchaki qayta ko‘rib chiqishni va yana istehzo bilan jilmayishni uqtiradi.
“Qahramonlar shahri”
Ushbu futuristik multfilm ham kattalar, ham bolalar uchun bir xil darajada qiziqarli bo‘ladi. Unda yaqin robotik kelajak haqida hikoya qilinadi. Kartinadagi do‘mboq robot har qanday insonni maftun etishga qodir.
“Ronal Varvar”
Agar “Varvar Konan” filmini ko‘rmagan bo‘lsangiz ham, “Uzuklar hukmdori” kartinasining muxlisi bo‘lmasangiz ham, Diablo yoki Warcraft o‘ynamagan bo‘lsangiz ham, Daniya multfilm ijodkorlari tomonidan yaratilgan bu loyihani tushunasiz.
“Kulrang bo‘ri va qizil qalpoqcha”
Bu komedik-musiqiy multfilm 90-yillarning jo‘shqin ruhini mukammal tarzda aks ettiradi. Bosh qahramonlardan biri — Bo‘riga Armen Jigarxanyan ovoz bergan, bu ovoz kartinaga yanada joziba bag‘ishlagan.
“Kichkina shahzoda”
Ushbu multfilmni tomosha qilishdan oldin uni bilishingiz kerak bo‘lgan ikkita narsa bor. Birinchidan, unda Kichkina shahzoda haqida klassik hikoya aks ettirilmagan, unda qizaloq va uning onasi rolini ijro etgan obraz, shuningdek, ularning qo‘shnisi keksa uchuvchi qahramon bor. Ikkinchidan, multfilm zamonaviy tarzda ishlangan bo‘lishiga qaramay, o‘z jozibasini umuman yo‘qotgani yo‘q.
“Boshqotirma”
Zaryadlovchi psixologik aksiomani tushuntirish uchun g‘ayrioddiy yondashuv qo‘llanilgan juda yengil va ta’sirli multfilm, agar siz individual his-tuyg‘ularga e’tibor bermasangiz, hatto ular eng ijobiy va yoqimli bo‘lmasa ham, bu ertami-kechmi stress yoki depressiyaga olib keladi.
Izoh (0)