Germaniya hukumati Serbiya va Angliya terma jamoalari o‘rtasidagi o‘yinda kuzatilishi mumkin bo‘lgan turli tahdidlardan xavotirda, deb xabar bermoqda BBC.
Manbaga ko‘ra, huquq-tartibot idoralari boshqa muxlislar qatori stadionga kirishi mumkin bo‘lgan serbiyalik tajovuzkor muxlislarning xatti-harakatlaridan xavotirda. 500 nafar serbiyalik muxlislar minglab Angliya muxlislari ichida bo‘lishi kutilmoqda, bu esa mojaroni keltirib chiqarishi mumkin.
Shu sababli stadionda faqat alkogol miqdori past pivo mahsulotlari sotiladi, ikki davlat muxlislari bir-biridan ajratiladi va keng miqyosli xavfsizlik amaliyoti doirasida 1000 dan ortiq politsiyachi navbatchilik qiladi.
Angliya va Serbiya jamoalari Daniya va Sloveniya bilan birgalikda C guruhidan joy olgan. Jamoalar o‘rtasidagi o‘zaro o‘yin 16-iyun kuni bo‘lib o‘tadi.
Izoh (0)