UEFA rasmiy sayti hakamlar bo‘yicha boshqaruvchi direktori Roberto Rosetti tomonidan 2024-yilgi Yevropa chempionati o‘yinlaridagi hakamlar faoliyatining asosiy tendensiyalarini e’lon qildi.
Agar darvozabon sardor bo‘lsa, faqat jamoa sardori yoki maxsus tayinlangan maydon o‘yinchisi bosh hakam bilan muloqot qila oladi. Hakam ushbu jamoa vakiliga asosiy hakamlik qarorlarini, shu jumladan, VAR video yordam tizimidan foydalangan holda qabul qilingan qarorlarni tushuntirishi kerak.
Xabar qilinishicha, jarima maydonchasidagi va uning tashqarisidagi qo‘pol qoidabuzarlik holatlari, simulyatsiyalar va qo‘lni ko‘targan holda imo-ishora bilan raqibga sariq kartochka so‘rash holatlarini qattiqroq jazolash buyurilgan.
14-iyun sanasida musobaqaning ilk o‘yini bo‘lib o‘tadi. A guruhidan o‘rin olgan Germaniya va Shotlandiya terma jamoalari o‘rtasidagi o‘yinni Kleman Turpin boshchiligidagi fransiyalik hakamlar brigadasi boshqarib boradi.
Ma’lumot uchun, 2024-yilgi Yevropa chempionati 2024-yilning 14-iyundan 14-iyuliga qadar Germaniyada bo‘lib o‘tadi.
Izoh (0)