Farg‘ona viloyati bojxona boshqarmasiga yangi rahbar tayinlandi. Bu haqda viloyat hokimligi matbuot xizmati xabar berdi.
.jpg)
Qayd etilishicha, “Toshkent-AERO” ixtisoslashtirilgan bojxona kompleksi “Islom Karimov” nomidagi Toshkent xalqaro aeroporti chegara bojxona posti boshlig‘i bo‘lib ishlab kelgan Shavkat To‘rayev Farg‘ona viloyati bojxona boshqarmasi boshlig‘i vazifasini bajaruvchi etib tayinlangan.
Shavkat To‘rayev 1979-yilda Buxoro viloyati Romiton tumanida tug‘ilgan. Toshkent davlat yuridik institutini tamomlagan. 2004-yildan beri bojxona tizimida turli masʼul lavozimlarda faoliyat olib borgan.
2017-yildan buyon Farg‘ona viloyati bojxona boshqarmasi boshlig‘i bo‘lib ishlab kelgan Ixvoljon Azimov boshqa ishga o‘tgani munosabati bilan egallab turgan lavozimidan ozod etilgan.
Shuningdek, Izzatulla G‘ulomov Iqtisodiyot va moliya vazirligi huzuridagi Bojxona qo‘mitasi raisining tegishli buyrug‘i bilan Surxondaryo viloyati bojxona boshqarmasi boshlig‘i lavozimiga tayinlandi.
Izzatulla G‘ulomov 1984-yilda Buxoro viloyatida tug‘ilgan. 2008-yilda Oliy harbiy bojxona institutini, 2021-yilda O‘zbekiston milliy universitetini tamomlagan. Maʼlumoti bo‘yicha mutaxassisligi – iqtisodchi (bojxona ishi sohasida), iqtisodiyot.
Mehnat faoliyati davomida Buxoro va Toshkent viloyatlari hamda Toshkent shahri bojxona boshqarmalari, Respublika bojxona qo‘mitasida turli lavozimlarda faoliyat yuritgan. Tayinlovga qadar Bojxona qo‘mitasi shaxsiy xavfsizlik boshqarmasi boshlig‘i o‘rinbosari – Tezkor bo‘lim boshlig‘i lavozimida mehnat qilib kelayotgan edi.
Bundan tashqari, Umidjon Qodirov Namangan viloyati Bojxona boshqarmasi boshlig‘i lavozimiga tayinlandi.
Umidjon Qodirov 1983-yilda Farg‘ona viloyatida tug‘ilgan. 2006-yildan buyon bojxona tizimida turli vazifalarda faoliyat ko‘rsatib kelmoqda. 2022-yildan mazkur tayinlovga qadar Farg‘ona viloyati bojxona boshqarmasi boshlig‘ining birinchi o‘rinbosari bo‘lib ishlab kelayotgan edi. Bojxona xizmati podpolkovnigi unvoniga ega.
Jasurbek Fayzullayev Qashqadaryo viloyati Bojxona boshqarmasi boshlig‘i lavozimiga tayinlandi.
Jasurbek Fayzullayev 1982-yilda Xorazma viloyatida tug‘ilgan.Toshkent davlat yuridik institutini tamomlagan. 2006-yildan buyon Bojxona tizimida turli masʼul lavozimlarda faoliyat olib borgan.
Tayinlovga bag‘ishlangan yig‘ilishda Qashqadaryo viloyati Bojxona boshqarmasi boshlig‘i lavozimida ishlab kelgan Zafar Turdaliyev boshqa lavozimga munosib kuzatib qo‘yilgan.
Avvalroq Buxoro, Navoiy, Namangan va Sirdaryo viloyatlari adliya boshqarmalariga yangi boshliqlar tayinlangani to‘g‘risida xabar berilgandi.
Izoh (0)